يوميات واحده مجنونة

يوميات واحدة مجنونه
يا ناس هووووي انتو بتقولوا علي مجنونه ومغشية ......انا كتيييير مازية من العملو في اغتراب الراجل في السعودية...... لامن جاء في اجازته السنوية ..........قابلته ام عينا قويه ........ادتو كلمه كلمتين سرقت قلبه وتجنن علي.................... و قال لي dont to be غبية ......... والشمار انتشر في ثواني او اقل شوية ............وجا الخبر متصدر عناوين جريدة الدار بي خطوط عريضه في صفحتها الاولانية ..............الاغتراب في السعودية يتسبب في جن الولية ............بمعني اني ركبتا التونسية ........... يلا من ديك وعيك قعت اقول واح اتنين تلاته اربعه لامن احصل سبعمية ............ومرة اقول الف باء تاء ثاء لامن اكمل الحروف الابجدية .........واقول دارفور عاصمة الولايات المتحدة الامريكيه ..........واقول يا ناس شجعوا الكورة بي وطنية ..........حقد الهلال علي المريخ والمريخ علي الهلال مرقنا من البطولة الافريقية ..........خلا المريخ ينضرب من الفرق الجزائرية ............ والهلال مضروب رايح جاييي من الاسماعيلية ..............واجر النمممم بتلكم في سري معي اخواني ناس الولايات الجنوبية ............ بقول ليهم تعالوا للاستفتاء بي فكرة وحدوية .............لانو الانفصال مشاكله كتيره بتخدم المصالح الاسرائيلية .............. والله هم ليهم مراد ييشيلوا موية النيل في جركانات بلاستيكية ........ ونقوم نقدم شكوي لي جامعة الدول العربية ........ يجينا الرد من مجلس الامن بعد سنة يطلع قرار مفاده بان ذل ك دفاع عن النفس بي طريقه قانونية ..... واكان فتحنا خشمنا بي كلمه بهددونا بي حظر لاوضاعنا الاقتصادية ....... وقالو الوصية في الزمة انا بهمس للاحزاب السودانية الانتخابات عدت واصبح الحزب الحاكم بي طريقه رسمية ....... وزي ما قال المثل الفات مات والمضي لايعود خلونا نحطو خطوة مستقبلية ...... والمسألة بتلف وبدور دورة جديدة اعملوا ليها حسابكم بي الباكرية ......والمنطق بقول واحد زايد واحد يساوي اتنين مش خمسمية واكان الحزب الحاكم كانت اجابته خمسمية ...... شعبنا بصوته بجرده من حقائبه الدبلماسية .......عقلي مش رجع لي شوية